Семинарды өткізудің мақсаты: 
-Сапалы нәтижеге әкелетін критерийлер құрастыруға; 
-Өз іс-әрекетін саралап және болашаққа жоспарлай алатын мәліметтер алуға;
-Сабақ берудің сапасын арттыруға;
-Оқушының жеке  ерекшеліктерін ескере отырып, оқытудың әр тұлғаға  
  арналған ауқымын жоспарлауға;
-Бағалаудың әртүрлі әдістерін пайдалануға;

-Оқу бағдарламасын қолжетімді ету үшін ұсыныстар енгізуге;

Күтілетін нәтиже:

• Бұрын алған ақпараттар  мен білімдерін жаңа немесе таныс емес жағдайларда және контекстерде қолдану, пайдалану.Білгенін, түсінгенін, дағдыларын сабақ барысында қолдану арқылы көрсету
• Оқушылардың танымдық қабілеті мен ойлау деңгейі артады;
• Табысқа жетелейтін бағалау критерийлерін түсінеді;
• Өзін және өзгелерді бағалай біледі

Семинардың ұйымастыру кезеңі бойынша келген қонақтарды қарсы алып, тіркеу бойынша жұмыстар жүргізілді. Мектеп фойесіне шығармашылық көрме ұйымдастырылды.
Семинарға Жетісай ауданының білім бөлімінің информатика пәні бойынша әдіскері Мэлс Әуелбекұлы мен  Жетісай ауданына қарасты мектептерден  63   мұғалімдер қатысты.  Бағдарламаны   аудандық білім бөлімінің әдістемелік кабинеттің меңгерушісі Р. Исаева мен мектеп директоры М. Тәңірбергенов бекітті. Бекітілген бағдарлама аясында 09.30-дан 09.50-ге дейін концерттік бағдарлама ұйымдастырылды. Әрі қарай  М. Әуелбеков жиналған пән мұғалімдеріне бүгінгі өтілетін семинардың мақсаты мен міндеттерін таныстырып өтті. Семинарға келген мұғалімдер бағдарламаға арнайы жапсырылған суреттер бойынша топтарға бөлініп бір уақытта төрт кабинетке бөлініп , ашық сабақтарға енді. 10.05-те информатика кабинетінде  7 «Ә» сыныпқа «Программалау жүйелері» жобаның интерфейсі (Lazarus) тақырыбында информатика пәнінің мұғалімі Бекмұхамедов Арғынбек, «Робототехника - болашақтың бағдары» тақырыбында  информатика пәнінің мұғалімі Сүлейменов Исан 6 «Ә» сыныбына, «Электр тізбегі, ток күші кернеу» тақырыбында физика пәнінің мұғалімі Дияров Әсет 8 «Ә» сыныбына, «Қысқаша көбейту формулалары» тақырыбында математика пәнінің мұғалімі Кущчибаева Камшат ашық сабақтар өтті. Ашық сабақтар барысында пән мұғалімдері жаңартылған білім беру бағдарламасы бойынша критериалды бағалаудың тиімділігін көрсетті. Ашық сабақтар уақытымен басталып, уақытында аяқталды. 11.05-те І деңгейлі орыс тілі пәнінің мұғалімі Касанова Роза «Оқушының танымдық қызығушылығын және білім сапасын арттыру үшін АКТ-ны оқу үдерісі құралы ретінде пайдалану» тақырыбында, мектеп модераторы, І деңгейлі қазақ  тілі мен әдебиеті пәнінің мұғалімі Құлханова Айткүл «Оқушы мүмкіндігін ашудың кепілі-пайдалы кері байланыс беру» тақырыбында және мектеп үйлестірушісі Дияров Асет «Заманауй білім берудің әдіс-тәсілдері» тақырыбында коучингтер  өтті. Келген мұғалімдер ашық сабақтар мен коучингтерге белсене қатысты. Семинар соңында білім бөлімінің әдіскері Мэлс Әуелбекұлы сабақ өткен мұғалімдердің сабақтары мен коучингтері бойынша кәсіби сұхбат жүргізіп, кері байланыс жасады.  Семинарға қатысушы мұғалімдер өздері қатысқан сабаққа рефлексия жасап, кері байланыс жүргізіп, өздерінің алған оң әсерлерімен бөлісіп, «өте жақсы»  деген бағасын беріп, мұғалімдер мен мектеп ұжымына алғыстарын білдірді. Қорытынды:
Жетісай ауданының білім бөлімінің әдістемелік кабинетінің жоспарына сәйкес «Ә.Молдағұлова атындағы №34 жалпы орта мектебі» коммуналдық мемлекеттік мекемесінде өткізілген «Жаңартылған білім беру бағдарламасы  аясында   информатика пәні бойынша критериалды бағалаудың тиімділігі» атты тақырыбында аудандық семинар «өте жақсы» деңгейде  өткізілді деп танылсын. 
Ұсыныс: «Жаңартылған білім беру бағдарламасы  аясында  информатика пәні бойынша критериалды бағалаудың тиімділігі» атты тақырыбында аудандық семинар сабақ өткен мұғалімдер информатика пәнінің мұғалімі Сүлейменов Исан Қуатбайұлын, және Бекмұхамедов Арғынбек Тұрғанбайұлын, математика пәнінің мұғалімі Кущчибаева Камшат Мүсілімқызын, физика пәнінің мұғалімі Дияров Асет Маралбекұлын, орыс тілі пәнінің мұғалімі Касанова Роза Нұржахановнаны, қазақ тілі мен әдебиеті пәнінің мұғалімі Құлханова Айткүл Қалмұратқызын  АББ-нің «Алғыс хатымен» марапаттауға ұсынылсын.