"Оқуға құштар мектеп" жобасы "Мың бір мақал, жүз бір жұмбақ" сайысы өткізілді.

Ә.Молдағұлова атындағы ✓34 жалпы орта мектебінде "Оқуға құштар мектеп" жобасы аясында қазақ тілі мен әдебиеті пәні мұғалімі, директордың тәрбие жұмыстары жөніндегі орынбасары А.Ниязбековтың ұйымдастыруымен "Мың бір мақал, жүз бір жұмбақ" сайысы өткізілді. 

Бес шарт бойынша өткен сайыс тартыс пен қызыққа толы болды. Сайыс барысында оқушылар тіл байлығын арттырып, сөздік қорларын молайтумен қатар топпен жұмыс істеу, өзгелердің пікірімен санасуды үйренді. 

Тартысқа толы өткен аламанда Тайжан Орынша мен Серікбай Қарақат "Үздік ойыншылар" атанса, "Алғырлар" тобы белсенділігі үшін марапатталып, "Зеректер" тобы жеңіс тұғырынан көрінді.